Bumsaríki

Allt á fullt!

Thu, 21 Aug 2008 16:22:30 GMT

Jebb, sumarið er alveg að klárast og maður farinn að safna í forðabúrið, nóg af dópi og veseni til að koma manni í gegnum vetrarþunglyndið sem styttist óðum í.. í mínu tilfelli á ég þá að sjálfsögðu við Malt og popp í staðinn fyrir amfetamín (sem eins og flestir vita er bara rugl)!

Það eru miklar breytingar framundan, ég flyt úr Kompunni sem er búið að vera aðsetur mitt í Reykjavíkinni (eða reyndar Kópavoginum) síðustu 4 árin. Kompan... þar sem allir vita hvað þú heitir (séu þeir undir hóflegum áhrifum áfengis) og mörg sveitt partýin hafa verið haldin. Spurning hvort maður ætti ekki að halda eitt kveðjupartý til heiðurs kompunni.... kemur í ljós. Annars vil ég þakka Kompunni fyrir samfylgdina, hún er uppáhaldskompan mín af þeim kompum sem ég dvalið í! Stefnan verður svo tekin á Austurgranda þar sem ég mun flytja inn með..forvitnilegum helmingi hljómsveitarinnar Klakksvík. Sem sagt, fólkið í Austurgranda má eiga von á meira stuði og fjöri en það líklegast kærir sig um (hentar vel fyrir þau að bæjarskrifstofur Seltjarnarness eru á neðstu hæð í byggingunni svo það er ekki langt að fara að kvarta).

       Listaháskólinn byrjar svo á mánudaginn með nemakynningu, þá fyrst getur maður farið að kalla sig listaspýru þegar maður byrjar það... maður ætti kannski að nota næstu daga til að kaupa upp fatalagerinn hjá Góða Hirðinum...:$

Ég er að verða gamall... en það er allt í lagi, mamma er að verða eldri!! Hún ákvað að gerast sextug í gær, sem var bara besta mál. Í tilefni af því ákváðum við nú að sýna fram á það að næstumþvíellilífeyrisþegar eru í fullu fjöri og þess vegna drógum við múttu upp á Esju. Þar borðuðum við kökukaffi sem var mjög spes og svo hrökkluðumst við aftur niður á jafnsléttu.

       Menningarnótt er á laugardaginn! Ég, Maggi og Alex úr Ninjafish og Bjarni Freyr úr Blind Mosquito ætlum að halda uppi fjörinu með Rapparanum hógværa, Ramses á Háskólatorginu kl. 17:30! Um að gera að mæta þangað!
Svo eru í skipulagningu útitónleikar í Borgarnesi en ég hendi inn meiri upplýsingum um þá þegar nær dregur :haha:

Ekki meira í bili

VerðandiFyrrverandiKompuBumsi

Heitur pottur, bjór og safarí

Sun, 13 Jul 2008 17:11:35 GMT

Langt síðan síðast...

Margt og mikið hefur gerst síðan í síðasta bloggi, þannig séð. Tókst að klára undirbúningsnámskeiði í Tónheyrn fyrir háskólann í júní sem var stuð, tókst að skemma Vodafonehjól á ca. 3 mín sem var ekki stuð og tókst að komast að því að Megadeth er í alvöru góð hljómsveit! Ekki slæmt það.

Núna um helgina var farið í hina árlegu bústaðarferð MH-borðsins. Í stuttu máli má segja að ferðin hafi einkennst af blautum sokkum, flottum frösum og tónlistargagnrýni. Mættum á svæðið á föstudagskvöldið og þá var að sjálfsögðu byrjað á því að grilla hambó og fara í pottinn með tilheyrilegu magni af áfengi og vitleysu. Heiðu tókst að byrja helgina af svo miklum krafti að restin af liðinu fylgdist með af áhuga og ófá hvatningarorð fengu að hljóma um svæðið. Það endaði svo með því að hún vaggaði af miklum eldmóð upp í sófa og gleymdist þar um stund...:lol:

Á laugardeginum var áhugamáli helgarinnar haldið áfram, þ.e. að drekka og vera í blautum sokkum, þ.e. allir nema Alexander Jarl og Birna Björk sem flúðu svæðið á laugardeginum. Ég, Katrín, Maggi og Guðrún fórum í "stutta" gönguferð í kringum Hreðavatn sem endaði sem blóðug safaríferð í gegnum íslenska frumskóginn við vatnið þar sem ég m.a. bar þau þrjú yfir stórfljót og leiddi þau eftir einhverjum þröngum kindagötum í gegnum skóginn! Í byrjun gönguferðarinnar ákváðum við Maggi að það væri góð hugmynd að reyna að synda út í eyju í vatninu og gerðum heiðarlega tilraun til þess sem endaði ekki betur en svo að Magga tókst að skera á sér fótinn og synda 10 metra út í vatnið þegar hann gafst upp, mér tókst ekki að synda neitt heldur stóð ég bara úti í ísköldu vatninu, gargandi að ég hafi týnt eistunum á mér..(sem reyndar fundust svo eftir smá leit).. :þ á endanum komumst við þó heim, Katrín fékk loksins hamborgarann sem hún hafði séð í hillingum og við hin bjórinn sem við söknuðum mikið.

      Nöddi rokk og Daði stormtrooper sáu á meðan um að halda uppi fjörinu í bústaðnum fyrir Helgu og Heiðu með fínum árangri, gott framlag hjá þeim! Um kvöldið var drykkjuleikjahefðin haldin í heiðri sem leiddi af sér mikið stuð og heimspekilegar pælingar, s.s. um það hvernig íslenska ofurhetjan ætti að vera (óopinber útgáfa er s.s. skyrta, gallabuxur, tópaspeli og bjór, sólgleraugu og sauðagæra sem skikkju). Hún starfi að mestu við að lumbra á gangsterum Reykjavíkurborgar og við það að aðstoða hjálparvana túrista upp á hálendi við að finna tjöldin sín. S.s. góð bústaðarferð!

      Nú fer ferli mínum sem þrælapískari Borgarbyggðar senn að ljúka, það eru 2 vikur þangað til krakkarnir hætta að vinna, ég veit þau gráta sig í svefn á hverju kvöldi...
Annars hef ég líka verið með þætti á útvarpsstöð í Borgarnesi (FM Óðal 101,3) sem heita einmitt þrælapískarinn.. ég hef ekki verið með útvarpsþátt síðan í jólaútvarpinu í grunnskólanum, sællar minningar en þetta er hrikalega gaman!

S.s. mikið stuð og fjör!
Hugsa að þetta sé nóg í bili. Takk

BústaðarBumsi

P.s. Þeir sem hafa aldur til mega endilega kommenta hérna fyrir neðan ;)

Hål Mol

Thu, 15 May 2008 01:06:42 GMT

Einn af æðstu tilgöngum internetsins er að fræða okkur lítilmagnann og upplýsa okkur um hin ýmsu undur veraldar svo við mennirnir getum staðið stoltir á toppi tilverunnar, drottnandi yfir hinum óæðri (og aumu) lífverunum, sem ,,upplýstar" og þenkjandi verur. Mér finnst ég ekki hafa staðið mig nógu vel í að koma fróðleik á framfæri og nú verður úr því bætt.

Árið 1620 (eða 1621) fæddist maður að nafni Melchisedech Thevenot.   Melchisedech var (ásamt því að heita nafni sem ómögulegt er að stafsetja rétt, hvað þá bera fram) áhugamaður um vísindi og velunnari margra vísindamanna og stærðfræðinga þar sem að jú menn með svona nöfn hljóta að vera ríkir og vel tengdir (en Melselsiandochendech varð seinna einmitt Konunglegur bókasafnsvörður Lúðvíks XIV Frakklandskonungs).
    Ekki nóg með að hann væri allt þetta heldur var hann einnig smá vísindamaður sjálfur og fann reyndar upp hlut nokkurn sem flestir smiðir þekkja og þeir sem hafa almennt þurft að kljást við skakka hluti. Þarna er ég að sjálfsögðu að tala um hallamálið, eða að minnsta kosti fyrirrennara þess, þ.e. hallamál sem gengur út á það að vökvi er í hólfi og sýnir fram á hvort það sem mælt er sé beint eða halli.
    Það var svo hann Henry Ziemann sem fann upp nútíma hallamálið sem flestir kannast við úr bílskúr pabba síns eða séð á smíðaverkstæðum (þau eru svona prik með gleri í miðjunni og 2 strikum sem liggja þvert yfir glerið á tveimur stöðum. Glerhylkið inniheldur vökva og eina stóra loftbólu-sé loftbólan á milli strikanna tveggja er hluturinn beinn :haha:).    Annars eru hallamál mjög sniðug uppfinning... til dæmis hallamældi ég Gittu og komst að því að hún er með skakkar lappir og eftir smá tilfærslur og stillingar tóks mér að láta Nönnu verða rétta í baki! Feis verkfræðinemar!


Venjulegt hallamál	Hallamál sem er líka... klukka?	Hallamál... sem gæti allt eins verið eitthvað úr Aliens mynd....

...Þetta var óþarfur fróðleikur dagsins...

Núna á laugardaginn (17. maí) held ég burtfarartónleika mína í Borgarneskirkju. Þeir byrja kl. 17:00 og er öllum velkomið að mæta! Það er frítt inn... svo bara allir að safna í bíla og taka smá rúnt upp í Borgarnes! Ég ætla að spila verk eftir Bach, Mozart og fleiri dauða kalla og svo jafnvel eitthvað frumsamið.
S.s. stuð og fjör á laugardaginn í Borgarneskirkju!!
Sjáumst þar!

TónleikaBumsi

Do re mí fa so la tí do!

Sat, 03 May 2008 19:25:42 GMT

Jájájá

Margt búið að gerast síðustu daga.. Í síðustu viku fór Lúðrasveitin á "World Tour" um Vesturland (s.s. við spiluðum á þrennum tónleikum..). Það var bara nokkuð gaman, latin tónlist er víst þrususkemmtilegt fyrirbæri.

Á síðasta föstudag tók ég svo framhaldsprófið í píanóinu sem gekk bara nokkuð vel, en það skipti mig s.s. litlu máli því að eftir að ég kom heim úr prófinu beið mín bréf frá Listaháskólanum þar sem sagði í stuttu máli að þrátt fyrir augljósan skort á tónheyra og kunnáttu á við 3ja ára barn í hljómfræði þá ætluðu þeir í góðsemd sinni að leyfa mér að læra við skólann :haha: S.s. mikil gleði!
Stórtenórinn ég byrjaði svo daginn á að spangóla af stakri snilld fyrir varnarlausan prófdómarann í 1. stigs söngprófinu í morgun. Líðan hennar er eftir atvikum, hún bar sig þokkalega eftir prófið en eitt er víst að hún var með öllu fjörlegri hárgreiðslu eftir prófið!

Núna tekur svo bara við æfingatörn fyrir lokatónleikana mína sem verða í Borgarneskirkju laugardaginn 17. maí... sem þýðir reyndar að það verður ekki hægt að fara í bústaðinn fyrr en eftir það, þar sem það eru hvort eð er allir líka í prófum á þessum tíma. En fyrir þá sem þurfa frí frá bókunum þá er um að gera að skella sér í smá bíltúr upp í Borgarnes 17. maí (nákvæm tímasetning kemur inn síðar...) ;)

Sjáumst þar!

StórtenórsBumsi

Blogg ársfjórðungsins ver. 1.2

Wed, 16 Apr 2008 23:36:07 GMT

Bass players do it deeper
Pianists do it sublime
Guitarist shred you 'till you die
And drummers...well they just point their sticks at everything

Já, tónlistarmenn eru skrítið fólk. Ágætir upp til hópa, bestu grey en skrítnir. Ég er s.s. engin undantekning á þeirri reglu þannig séð, þefandi af öllu og missandi hluti út úr mér sem eru betur hafðir ósagðir. :haha:

Sem dæmi... það er vond hugmynd að segja við píanista að þeir kunni ekki að nota hendurnar... fyndin hugmynd.. en almennt séð frekar vond :p

Annars hefur maður verið frekar upptekinn við spilamennsku og tónleikaferðir upp á síðkastið. Tók inntökupróf í Listaháskólann um síðustu helgi og fór á þrenna tónleika vikurnar þar áður. Sem var stuð! Sá 2 klassíska píanósnillinga spila, þeir sem halda því fram að klassísk tónlist geti ekki rokkað mega láta tattúvera á sér garnirnar - það var hellings rokk á þessum tónleikum, enda fáar jafnmiklar rokkstjörnur og hann Beethoven!

Hef ekki ennþá fengið óbó, þau 2 sem voru til í Tónlistarskólanum á Akranesi voru annað hvort biluð eða í útláni... það bíður betri tíma býst ég við...

Annars styttist í sumarið, hef fengið spurningar um hina árlegu bústaðarferð... einhver áhugi fyrir einu stykki svoleiðis?

Þetta var blogg mánaðarins (blogg ársfjórðungsins nr 2 skv. Nönnu) Thx for tuning in

TónlistarBumsi

Blogg mánaðarins

Sun, 09 Mar 2008 23:52:03 GMT

Jæja eins og fólk hefur kannski tekið eftir þá er í tísku að blogga bara einu sinni í mánuði. Þar sem að ég er þekktur fyrir að fylgja tískunni eins og hamstur eltir hjól þá er þetta blogg mánaðarins.

Núna var ég að enda við að ljúka mestu tónleikahelgi lífs míns. Spilaði á 5 tónleikum um helgina og var sýningarstjóri á einni sýningu í óperunni í Borgarnesi. S.s. mikið stuð og mikið fjör um helgina. Það var s.s. farið í tónleikaferð um Vesturland með stórsveit tónlistarskóla Vesturlands (TónVest).

Svo kom Gitta vinkona heim frá Suður-Ameríku um daginn :D Núna er hún útskrifaður sérfræðingur í meðferð llamadýra, Chilebjórdrykkju og stórhættulegum rútuferðum! Núna er ég s.s. ekki einn í útlegðinni í Borgarnesi, núna erum við 2 í útlegðinni í Borgarnesi! Viva Borgarnes!!

Svo komst ég að því um daginn að það væri eitt hljóðfæri sem ég þarf að læra á en það er óbó! Óbó er í stuttu máli sagt snilldar hljóðfæri! Ég hef hins vegar ekki hugmynd um hvernig ég ætla að útvega mér eitt stykki svoleiðis né hef ég hugmynd um hvernig í fjáranum mar nær hljóði úr kvikindinu! En ég SKAL læra á óbó.. þó ekki nema að spila Gamla Nóa, sem eins og blogg mánaðarins er eilíft tískufyrirbæri þeirra sem kunna ekkert á hljóðfæri!

Annars er tónlist bara lífið þessa dagana og það er sko ekkert slæmt!

Í tilefni þess er hérna klippa úr gamalli barrokk óperu eftir Monteverdi sem heitir Orfeus.. snilldarlag :haha:

Orfeus

Ekki meira í bili.. þetta var blogg mánaðarins... enjoy

TónlistarBumsi

Ertu til í smá rokk??

Fri, 15 Feb 2008 00:36:18 GMT

Það er komið að því... aftur...

Ninjafish spila á Fimmtudagsforleik í Hinu Húsinu fimmtudaginn 21. Feb. klukkan 20:00!
Fram koma s.s. Ninjafish, Klakksvík og Irony of Apathy.
16 ára aldurstakmark
Vímulaus skemmtun
FRÍTT INN!

S.s. þú ætlar að mæta ;)

Tjékkið líka á myspaceinu (www.myspace.com/ninjafish) og tjékkið á nýja laginu þar, White Desert-það er kúl (þó að ég þjáist reyndar allsvakalega af fölskunni í því)

Annars er bara nóg um að vera... ég mun rækta lúðann í mér to the max þar sem maður fer til Keflavíkur á lúðrasveitarmót.. hehe það hefur ekki gerst í mörg ár...

En ég verð að gefa Alexi props fyrir að senda mér link á einhverja fyndnustu uppistandara sem ég hef séð í langan tíma! Og reyndar verð ég að gefa Magga líka props fyrir að senda Alexi sömu linkana og hann svo sendi mér..

og hérna eru þeir:

Business Time
The Humans are Dead
Hiphophopotamus vs. Rhymenocerus

Þessir gaurar eru bara snillingar, dugði vel til að lýsa upp hjá mér myrkasta skammdegið hehe

Ekki meira í bili

RokkBumsi

Snjór

Thu, 07 Feb 2008 17:33:25 GMT

Hefur einhver tekið eftir því að það er að snjóa úti?

Ég tók nefnilega eftir því... tók t.d. eftir því þegar ég tróð mér í gegnum skaflafjallgarðana á leiðinni í skólann í dag. Tók eftir því þegar enginn af nemendunum mínum komust í tíma þar sem þeir voru allir fastir í sama skaflinum fyrir utan bæinn. Fyndið, það snjóar... svo er allt blint... svo skín sólin, svo verður allt blint aftur. Svo skín sólin aftur og svo verður allt blint. Veðurguðinn okkar er krónískur maníusjúklingur á háu stigi!

Þegar veðrið er svona skemmtilegt þá er góð hugmynd að kíkja á vini okkar í Rammstein, þeir eru alltaf hressir... og helvíti skemmtilegir líka. Sem dæmi...

Talaði aðeins af mér þarna síðast þegar ég talaði um Ninjafish tónleika á Organ.. það datt eitthvað uppfyrir en fyrir þá sem fóru að gráta þá erum við að vinna í að redda öðrum tónleikum og látum vita um leið og við vitum eitthvað.

Tja... ekki mikið meira um það að segja nema jú, svona lítur snjóstormur víst út í Bandaríkjunum... merkilegt það..

SnjóBumsi

Jæja, nú gengur þetta ekki lengur!

Tue, 29 Jan 2008 15:42:48 GMT

Já það er satt! Það er orðið deginum ljósara að það er ekki hægt að hanga mikið lengur á þessu guðsvolaða landi voru! Það er í tísku að leita út fyrir landsteinana og sérstaklega í tísku að fljúga hinum megin á hnöttinn til Suður-Ameríku! Nú er ég nú þannig úr garði gerður að ég neita að láta í minnipokann fyrir þessum lýð sem ég kalla vini mína og neyðist því þar af leiðandi að koma mér burt af klakanum og halda til Suður-Ameríku. Ég er með nokkur sönnunargögn fyrir því að Suður-Ameríka sé málið:

Sönnunargagn 1:

Inkunum datt einhvern veginn í hug sú snilldarhugmynd að klifra upp illkleyfasta óklífanlega fjallið í dalnum og tjalda þar. Þar sem fjallið var klárlega óklífanlegt gátu þeir þar af leiðandi ekki klifrað aftur niður (eftir að hafa klifrað upp fjallið óklífanlega) og neyddust því til að byggja sér borg þar þangað til fólkið niðri í dalnum nennti að gera vegi upp þetta óklífanlega fjall. Þeir biðu í 1000 ár og sá fyrsti sem kom upp til þeirra var japanskur túristi með Kanon vélina sína.

Sönnunargagn 2:

Inca Kola! Þjóðardrykkur Suður-Ameríku búa sem að sögn bragðast eins og tyggjóið sem er inni í vonda Chupa-Chupps sleikjónum þínum.. Grand!

Sönnunargagn 3:

Hér má sjá Llamakónginn Llamalabam. Það hlýtur að vera einhver rökrétt ástæða fyrir tilvist þessara skepna hér á jörð... og ég verð að komast að því hver hún er!!

Sönnunargagn 4:

Landslagið í Brasilíu á víst að vera með því fallegra í heiminum.. get ekki neitað því.

Lítur út fyrir að öll vötn og hafstraumar renni til Suður-Ameríku. Nú er bara ekkert eftir annað en að grafa upp veskið, panta miða og koma sér út! Hver kemur með?

Annars hefur lítið dregið á daga mína síðustu vikur en hins vegar þá eru NinjaFish tónleikar á næsta leiti (15. febrúar) á Organ. Um að gera að kíkja hingað og rifja upp "gamla" takta áður en fólk skellir sér á tónleikana! Ójá!

FerðaBumsi

Nýársbloggið

Fri, 04 Jan 2008 22:24:33 GMT

Já nýtt ár er gengið í garð og verður sjálfsagt ennþá betra en hið fyrra (eins og öll árin þar á undan) sem þýðir að 21. árið hlýtur að verða ansi magnað, enda 21 ár í bígerð og mikið verið vandað til!

En það er í tísku að líta yfir farinn veg og best að vinda sér bara í það!

Hver man ekki eftir...

...árshátíðarpartíinu?

...þegar Heiða stakk af til Danmerkur?

...þegar Skarpi safnaði skeggi?

...Fyrstu NinjaFish tónleikunum?

...MH göngunum?

...Heimspekilegu umræðunum?

...Dimmiteringarmyndunum? (þar sem grannir og glæsilegir gerðust sveittir og ógeðslegir)

...Þegar við útskrifuðumst (þeir sem ekki útskrifuðust eru beðnir afsökunar á þessari ónærgætni, kvartanir er hægt að senda á væl@mérerdrullusama.is)

...Tvítugsafmæli Bigga og Magga? (Þar sem Bjarni Freyr drakk í fyrsta skipti, var með risastóra svitabletti undir höndunum (,,ég hellti á mig....báðum megin!") og fékk einkadans frá kalli í rauðum flauelsjakkafötum...

...Þegar Katrín stakk af til Frakklands?

...Þegar Biggi og Hildur fóru til Evrópu?

...Sumarpartýinu hjá Magga? (Þar sem Alex og Jökull klifruðu upp Tótemsúlutréð í garðinum hjá Magga)

...Sumarbústaðaferðinni?

...Þegar NinjaFish spilaði á Gauknum?

...Þegar hluti úr NinjaFish spilaði á Ljósanótt með Ramses

...Þegar Biggi fluttist í einangrun í Borgarnesi?

...Þegar Biggi gerðist lúði (aftur)?

...Þegar Maggi stakk af til Costa Rika?

...Þegar Skarpi og Helga útskrifuðust?

...'87 bekkjarreunioninu?

...Þegar Biggi gerðist dinnerpíanisti?

Hlutir sem eru bestir gleymdir og grafnir:

Búningurinn þeirra Skarpa og Dukes á tónleikunum í Gauknum

Ákveðin dramamál

Hárið á Bigga í vor

Hlutir sem hægt er að hlakka til á næsta ári:

Tónleikar NinjaFish

Útskrift Bigga í vor (úr tónlistarskólanum)

Útlandaferðir

Djamm

Jáhh nóg búið að gera á síðasta árinu og nóg eftir fyrir það næsta :haha:

Ef þið munið eftir einhverjum atriðum sem vanta á þessa lista, endilega tjáið ykkur ;)

Gleðilegt nýtt ár!! :haha:

NýársBumsi

Jól

Wed, 26 Dec 2007 22:52:16 GMT

Það eru jól! :haha:

Eftir miklar rökræður og þref var ákveðið að jólin á mínu heimili skyldu haldin á íslensku í ár. Umræðan kom upp þar sem að jólin eru nú hátíð hálfrar heimsbyggðarinnar ef svo má segja og því er að sjálfsögðu hálf kjánalegt að tala eitthvað afbakað og einangrað tungumál 300þúsund vesalinga á þessari hátíð heimsins, miklu betra væri að tala bara á ensku, það skilja það líka flestir (t.d. allir í Glitni), svo er líka bara svo kúl að tala ensku! En eins og ég sagði var ákveðið að hjá mér skyldu jólin haldin á íslensku... enda erum við utan af landi...

Hérna um daginn setti ég inn byrjun á jólalagi og fékk skítsæmilegar viðtökur við því... hérna er afreksturinn af skáldastörfum ykkar:

Úti er skítkalt og enginn snjór

Bílar fjúka og heitapottur fór

En ég sit inni og drekk minn bjór

margt þarf að vinna
sem enginn vill sinna
baka, gjafir og daglegt amstur
æ farðútí búð og keyptuþér hamstur

Viðlag:

Úti er skítkalt og enginn snjór,

Úti er skítkalt og enginn snjór
en margir eru kátir og hlusta á kór
Sumir gefa jólapakka
og fá sér smákökur og glögg að smakka
Ég er úti í ljótum frakka
og öfunda bara þessa litlu krakka

enginn matur og ég verð mjór.
Úti bíð ég með engar gjafir,
horfi á hina borða og tungan lafir

Viðlag endurtekið:

Já svona eru jólin í dag
Allir gleðjast og syngja jólalag

Já þannig var nú það.. Jólalag upp úr íslenskum veruleika gott fólk.. eða hvað?

Annars vona ég bara að jólin verði sem ánægjulegust hjá ykkur, þetta er búið að vera gott hjá mér hingað til.. ég fór allavega ekki í jólaköttinn! Heyrði annars eitthvað væl fyrir utan gluggann á aðfaranótt jóladags... kannski hann hafi étið kött nágrannans? Spurning...

Gleðileg Jól!

JólaBumsi

Týndur

Fri, 14 Dec 2007 20:22:11 GMT

Datt inn á bloggið hennar Trínu litlu stórvinkonu um daginn og las þar sem hún var að kvarta stóran yfir að hafa ekki hitt neitt af MH liðinu í langan tíma. Mér fannst þetta nú skrítið, mér fannst ég vera nýbúinn að hitta hana og þau... en svo fór ég að hugsa og komst að því að það var bara rétt hjá kellu! Hef bara nánast ekkert hitt þetta lið í langan tíma.. og þau ekki mig

svo....

Fyrir þá sem hafa ekki séð mig í langan tíma, þá er þetta ég...

og ég er í stuði!

Það hefur ekki mikið gerst síðustu daga, hins vegar hef ég næstum því gert nokkra hluti. Ég hef næstum því..

Tekið til í herberginu
Keyrt út af
Drukknað í sundlauginni (8 metra ölduhæð í sundlauginni í blíðviðrinu um daginn)
Spilað á kórtónleikum (hætt við vegna blíðviðris)
Sungið á söngdeildartónleikum (líka hætt við vegna sama blíðviðris!
Farið í bíó... af hverju? Af því að það eru ALLIR í prófum nema ég! Takk allir!

Annars eru nú jólin bara handan við hornið.. gleði gleði! Svo er í tísku hjá öllum skallapoppurunum að semja eitt stykki jólalag og senda í keppnir á útvarpsstöðvunum. Ég legg til að hér verði búið til eitt stykki jólalag... Það byrjar svona:

Úti er skítkalt og enginn snjór...

Þið getið síðan bætt við restinni af laginu í commentum... enjoy :haha:

JólaBumsi

Lúði

Tue, 20 Nov 2007 23:27:46 GMT

Í dag er þriðjudagurinn 20. nóvember (reyndar er kvöld en við skulum nú ekki vera með smámunasemi). Merkisdagur! Í dag vann ég fyrsta daginn minn sem kennari :haha:
Mér tókst að slá nemendurna, góla á þá og brjóta niður drauma þeirra og vonir - allt á fyrsta deginum.. Ímyndið ykkur bara hvað ég get gert á meiri tíma ;)

Lengi má vont versna og nú er lúðinn ég búinn að koma mér í hóp fólks sem saman kallast lúðasveit! Þar er ég annar tveggja æðstulúða og förum við fyrir vaskri sveit óæðrilúða (gimp). Allt saman gott og blessað! Þeir sem vilja berja lúðana augum í sínu rétta umhverfi er bent á samkomu lúðanna næsta sunnudag (25. nóvember) klukkan 15:00! Enginn er verri þó hann sé lúði...

Annars er ég bara búinn að vera að berja nótur (ásamt því að berja nemendur) síðustu daga. Eins og það sé ekki nóg að vera æðsti lúði þá kom ég mér líka í ellilífeyrisþegakórinn og góla þar með tenórum sem eru alvöru karlmenn og myndu láta ákveðinn Cortés míga í brækurnar (Cortés er samt karl í krapinu og bið ég hann vinsamlegast ekki að lemja mig fyrir þennan litla ósmekklega brandara..)!

Styttist í jólabrjálæðið svo ég er búinn að kaupa mér jólahjálminn, skjöldinn og stuðbyssuna, svona til þess að geta slegist við brjálaðar einstæðu húsmæðurnar í dótabúðum landsins (þegar ég kaupi jólagjafirnar handa mér - 4 akreina kappakstursbraut - heyyyyeahh!)

Annars ekkert fleira merkilegt í gangi

Takk fyrir

LúðaBumsi

Tónlist og rassadillingar

Tue, 13 Nov 2007 13:33:33 GMT

Já.. Velkomin í Borgarnes, þar sem sól skín yfir heiði, fuglarnir kvaka, lækirnir renna og ungverskir pyntingakennarar ráða ríkjum!

Þessa vikuna er Ungverskur píanósnillingur að halda masterclassnámskeiði í nesi Borganna og er ég búinn að fara í nokkra tíma hjá honum og mun líklegast fara í nokkra í viðbót. Kallinn hélt tónleika á sunnudaginn og mér skilst að það hafi tekið um 4 klst að þrífa upp slefið eftir okkur Bjarna þar sem við sátum á aftasta bekk enda ekki mikið annað hægt að gera nema gapa þegar svona mar verður vitni að svona hæfileikum!

Var í tíma hjá honum í dag - spilaði nú reyndar ekki mikið, mestur hluti tímans fór í að leika kúnstir þar sem ég var látinn æfa mig í að standa upp, sveifla mér fram og til baka og ýmislegt annað.. sem hefur verið nokkuð fyndið að fylgjast með þar sem við snerum einmitt gumpnum í gluggann (sem er nokkuð stór) svo útsýnið hefur verið gott af götunni :P

Svo hefur mar verið í því að spila í afmælum síðustu helgar (s.s. þú spilar í ca. 3 mínútur og færð fullt af ókeypis veislumat - sem er æði :haha:) og um næstu helgi erum við strákarnir að fara að spila í gospelmessu og eitthvað. Stefnir í hressar 3 vikur, það verður eitthvað um spilamennsku hér og þar :)

Svo styttist í að Maggi komi heim frá Costa Ríka þ.e.a.s. ef hann hefur ekki ákveðið að setjast bara að þar og búa í strákofa. Þegar hann kemur þá mun NinjaFish fara aftur á kreik... í millitíðinni getið þið æstustu aðdáendurnir rifjað upp lögin hérna...

Hef ekki mikið annað að segja... jú...

Bæ

TónlistarBumsi

Hugsananiðurskráning

Thu, 20 Sep 2007 18:59:28 GMT

Jæja, núna eru allir orðnir fullorðnir. Fullt af fólki sem ég þekki eru bara komin með sína eigin íbúð og eru að læra eitthvað stórmerkilegt í einhverjum af Háskólunum. Takið sem dæmi, einn segist læra aðferðafræði ókei, töff nafn og allt það en hvað er það? Jú, að læra að gera rannsóknir og svo tölfræði.. ég ætla ekki einu sinni að byrja að giska á hvaða flottu heiti verkfræðinemarnir nota..

Núna er ég bara að spila á píanóið. Það eru engir flott heiti á fögunum þar.. tónfræði, tónlistarsaga, tónheyrn... það þarf að poppa þetta eitthvað upp held ég.

Tónfræði gæti verið Tónatferlisfræði

Tónlistarsagan gæti verið Sagan (engin önnur saga skiptir máli)

Tónheyrn gæti verið tónhlustunarfræði

Ok.. þetta er work in progress

Annars lítið í gangi ég sit við píanóið flesta daga, NinjaFish fer brátt í hálfgert frí þar sem trommarinn hefur ákveðið að flýja land.. Hin hljómsveitin Scarem er samt komin á skrið og munum við líklegast gera einhverskonar heimasíðu á næstunni..

Svo vildi ég þakka Matta fyrir alveg snilldarfærslu á blogginu hans um daginn - Saga Cessna flugvélarinnar stórmerkilegur andskoti..

Annars gott í bili

TónlistarmótunarBumsi